Grevên birçîbûnê yên dorveger ên li gelek cihên Stenbolê hatine destpêkirin berdewam dikin. Îro jî dê bi heman armancê mitîngek bê lidarxistin. Bi hezaran kes dê li ber avahiya BDP’ya navçeya Fatîhê li hev bicivin û daxwaza qebûlkirina daxwazên girtiyan bikin.

Mitîng, dê saet di 13.00 de bi beşdariya Hevseroka KCD’ê Aysel Tûglûk dest pê bike. Hat diyarkirin ku hemû amadekariyên mitîngê hatine kirin.

Bi heman armancê îro dê li Mêrsîn û Îzmîrê jî mitîng bên lidarxistin. Hate diyarkirin ku xebatên amadekariyê yên beriya çend rojan dest pê kirin qediyane. Mitînga Mêrsînê dê li ber avahiya BDP’ya navçeya Akdenîzê bi beşdariya Hevseroka BDP’ê Gultan Kişanak pêk bê.

Mitînga Îzmîrê jî dê bi beşdariya Cîgirê Serokê Koma BDP’ê û Parlementerê Çewlikê Îdrîs Baluken û Parlementerê BDP’ê yê Mûşê Sirri Sakik pêk bê.

ANF NEWS AGENCY