ARAS HISÊN/DIHOK/ROJNEWS

Nêzî 34 kurdên Şebek xwe ji destê çeteyên DAIŞ’ê rizgar kirin û gihiştin navçeyên başûrê Kurdistanê.

Duh ber bi êvarê nêzî 34 kurdên Şebek ku berê niha di destê çeteyên DAIŞ’ê te girtî bûn, karî xwe rizgar bikin. Berpirsê Leqa 14 ya PDK’ê li Mûsilê ji RojNews re ragihand ku ew kurdên Şebek ji sînorên Başîk ve karîne xwe bigihênin herêma Kurdistanê û pêşmergeyên li ser sînor jî pêşwaziya wan kiriye.

Seyîd Memûzînî herwiha got: “Ew hêjmara kurdên Şebek li herêma Xursiyat a ku dikeve bakûr rojhilatê Mûsilê ji destê çeteyên DAIŞ’ê rizgar bûne. Wan heta ber bi êvarê ve karîn xwe bigihênin herêma Kurdistanê.”

Piraniya kurdên Şebek li Mûsil û derdora wê dijîn. Dema êrîşa çeteyên DAIŞ’ê bi ser bajêr gelek ji kurdên Şebek reviyan û li bajarên başûrê Kurdistanê koçber bûn. Gelek ji wan jî di destê çeteyên DAIŞ’ê de man.

(rn/ge)