Rêberê Gelê Kurd Abdullah Ocalan derbarê êrîşên çeteyên DAIŞ’ê yên li ser Kobanê de got: “Em tu caran tawîz nadin” û wiha berdewam kir: “Li cihê ku DAIŞ lê hebe û li herêmên Kurd lê dijîn, heta DAIŞ’ek hebe, em ê li ber xwe bidin.”

Rêberê Gelê Kurd Abdullah Ocalan, îro bi birayê xwe Mehmet Ocalan re hevdîtin pêk anî û derbarê êrîşên çeteyên DAIŞ’ê yên li ser Kobanê de got: “Em tu caran tawîz nadin” û wiha berdewam kir: “Li cihê ku DAIŞ lê hebe û li herêmên Kurd lê dijîn, heta DAIŞ’ek hebe, em ê li ber xwe bidin.”

Rêberê Gelê Kurd Abdullah Ocalan îro bi birayê xwe Mehmet Ocalanê ku çûbû Girava Îmraliyê re hevdîtin pêk anî. Mehmet Ocalan, di vegera ji giravê de peyama Rêberê Gelê Kurd Abdullah Ocalan a derbarê Kobanê de ragihand.

Ocalan di peyama xwe de diyar kir ku ew ê heta dawiyê li hemberî çeteyên DAIŞ’ê li ber xwe bidin û tu carî tawîz nedin.

Peyama Rêberê Gelê Kurd Abdullah Ocalan wiha ye: “Li cihê ku DAIŞ lê hebe û li herêmên Kurd lê dijîn, heta DAIŞ’ek hebe, em ê li ber xwe bidin. Em heta dawiyê li ber xwe bidin. Em tu tawizê nadin DAIŞ’ê. DAIŞ rêxistineke sunî ye. DAIŞ wê ji bo welat, hukûmet û kesên ku destekê didin DAIŞ’ê bibe pirsgirêkeke mezin.”