Platforma Heykeltiraşên Sînornenas ku di 1'ê Îlonê de ji bo heskîf di bin avê de nemîne li Geliyê Dîcleyê dest bi kampanya "1'emîn Sempozyuma Peykerên Kevir a Navneteweyî ya Heskîfê" kiribûn, ber bi dawî ve diçe.

Platforma Heykeltiraşên Sînornenas ku di 1'ê Îlonê de ji bo heskîf di bin avê de nemîne û li dijî Bendava Ilisu bertekên xwe bînin ziman li Geliyê Dîcleyê dest bi amedekariya "1'emîn Sempozyuma Peykerên Kevir a Navneteweyî ya Heskîfê" kiribûn, amadekirî ber bi dawîbûnê ve diçe. Gelek rêxistinên sivîl ên civakî û saziyên hawirdorê di demên cuda de ji bo li dijî bendavê bertekên xwe bînin ziman çalakî li dar xistin. Lê çalakiya hunermendên peykeran ji hemû çalakiyên din balkêş e û taybetmendiyekî wê heye. Taybetmendiya wê jî 12 peykervanên ji Ermenîstan, Misir, Ukrayna, Gurcîstan, Arjantîn, Suriye, Herêma Federal a Kurdistan, Almanya û Turkiyeyê hatin cem hev û dê berhemên çêbikin bavêjin avê. Peykervan di berhemên çêdikin de pirsgirêkên herêm tînin ziman û mijarên jin, koçberî û asîmîlasyonê digirin dest. Bernameya nêzî mehekê ye berdewam dike berhemên tên çêkirin ber bi dawî bûnê ve diçe. Peykervana jina ya ku ji Suriyeyê hat Kmona Alkawd a ku di berhema xwe de mijara "Make ax" digire dest wiha got: "Karê ez dikim cîhanê temsîl dike. Karê ez dikim ji bo Dayîka Heskîf e. Ji bo ew xwez û dîrok bê parastin e. Divê ev nirx neyê windakirin. Ya ez dikim ji bo vê yekê ye."

Hîndekarê Zanîngeha Kocaeliyê Zekeriya Erînç jî diyar kir ku ga li ser erdnîgariya mezopotamyayê sembolekî gelek girîng e ji ber wê yekê min peykerê ga çê kir û wiha got: "Ga temsîliyeta Mezopotamyayê dike. Heke em mezopotamyayê weke navenda şaristaniyê qebûl bikin, cihê çandîniyê dest pê kir e. Li gel vê yekê ga jî bi çandîniyê re weke sembol derket holê. Peykerê ga yê ku ez çê dikim li ser şaxên xwe belevajî ziviriye."

Peykervan piştî berhemên xwe yên çêkirin di 29'ê îlonê de li berava Çemê Dîcle pêşandan dê bavêjin Çemê Dîcleyê. Bername dê bi vê çalakiyê û konserê bi dawî bibe.

(bd/mae)