NAVENDA NÛÇEYAN - ROJNEWS

Bi serketina Pariya Demokratîk a Gelan xelkê Başûrê Kurdistanê daketin qadan û ev serkeftin pîroz kirin.

HDP bi derbaskirina benda ji sedî 10’an li gorî encamên ne fermî ji sedî 13.1 dengan bi dest xist. Şevê din çawa gelê Başûrê Kurdistanê nûçeya serkeftina HDP bihîstin daketin qadan û ev serkeftin pîroz kirin.

Li gelek bajaran bi sedan kes daketin qadan û kêfxweşiya xwe nîşan dan. Gel heta derengiyên şevê dîlan gerandin û bi konvoyan li nav bajêr geriyan. Li bajarên Hewlêr, Silêmanî, Kelar, Kerkûk, Qeladizê, Ranya û wargeha penbaran a Mexmûrê pîrozbahî hatin lidarxistin. Di pîrozbahiyên ku heta derengiya şevê berdewam kir gel serkeftina HDP wek serkeftina xwe binav kirin.

Wê pîrozbahî îro jî li gelek bajaran berdewam bike. Bi taybet li bajarên Hewlêrê îro seat 18:00'an li ber Parka Şaneder û li Silêmaniyê îro seat 17:00’an li Parka Azadî pîrozbahî tê lidarxistin.