Piştî kongreya Şaxa ÎHD'ê ya Amedê ku çend roj berê hate lidarxistin de rêvebiriya komaleyê li hev civiya û di nava xwe de peywiran dabeş kir. Li gorî vê dabeşkirinê Racî Bîlîcî bû Serokê Şaxa ÎHD'ê ya Amedê.

Şaxa ÎHD'ê ya Amedê di 5'ê Gulanê 12'emîn Lijneya Giştî ya Asayî pêkanîbû û lijneya rêvebir û venêran a nû hilbijartibû. Piştî kongreyê lijneya rêvebir li avahiya şaxa xwe civîna xwe ya ewil pêkanî û di navbera xwe de peywiran dabeş kir. Li gorî vê dabeşkirinê Racî Bîlîcî bû serokê komaleyê, Abdûlselam Înceoren bû sekreterê komaleyê û Halîl Bayhan jî bû hejmaryarê komaleyê. Piştî dabeşkirina peywiran rêvebirî dê di rojên pêş de komîsyonan jî ava bike.

(ab)