STENBOL (DÎHA) - 4'emîn rûniştina 118 jê girtî 205 siyasetmedarên kurd ên di navde rewşenbir, nivîskar, parêzer, parazvanên mafen mirovan, siyasetmedar akademîsyen jî hene û ji doza "KCK"ê ya Stenbolê tên darizandin dest pê kir. Ji ber ku hêjmara girtiyan zêde ye parêzeran xwest rûniştina dozê dirêj bibe, lê heyetê daxwaza parêzeran a dirêjkirina rojên parastinê red kir.

4'emîn rûniştina 118 jê girtî 205 siyasetmedarên kurd ên di 5 û 28'ê Cotmeha 2011'an de ji doza "KCK"ê hatin girtin û di navde siyasetmedar, rewşenbir, nivîskar û akademîsyen jî hene li 15'emîn Dadgeha Cezayên Giran a Stenbolê ya li Kampusa Sîlîvriyê dest pê kir. Di rûniştina dozê de siyasetmedar Sevîm Er û Aslan Îşçîoglu ji ber nexweşiyên xwe tev li rûniştinê nebûn. Ji bilî 2 kesên bi rapor hemû siyasetmedar tev li rûniştinê bûn. Ji bilî girtiyan Ragip Zarakolu û 8 kesên serbest tên dirazinadin jî li gel parêzeran di rûniştinê de amade bûn. Malbatên girtiyan û rêveberên BDP'ê yên Stenbolê jî li salona dozê amade bûn. Di rûniştinê de li ser navê parêzeran parêzer Ercan Kanar, diyar kir ku hêjmara siyasetmedaran zêde ye û xwest 3 rojan mafê parastinê bide wan. Lê heyetê daxwaza parêzer red kir. Serokê heyetê Alî Alçik daxwaza Kanar red kir û diyar kir ku dadgehê bername amede kiriye û dê piştî xwendina îdîaameyan ji saet 15.00'ê 14'ê Adarê heta saet 15.00'an ê 15'ê Adarê parastinê bikin.

Prz. Sînan Zîncîr jî ani ziman ku ji bo parastina zimanê zikmakî, Komîsyona Edaletê lîsteya wergêran derxistiye û di nava vê lîsteyê de Îrfan Hulak ê serbest tê darizandin jî heye. Zîncîr, ani ziman ku di doza ku muwekîlê wan bersûc tê dîtin de nikare tercûmaniyê bike û xwest navê Îrfan Hulak ji lîsteya wergerê derxe. Serokê heyetê diyar kir ku hêj lîsteya wergêran negihiştiye destê wan û dema lîste bigêje destê wan dê binirxînin.

Rûniştin bi xwendina îdîanameyê berdewam dike. Xwendina îdîanameyê bi rûpela 289'an dest pê kir.

(mae)