HAMDULLAH KESEN Serokê Navenda Pêkanîn û Lêkolîna Neqla Organan a Nexweşxaneya Balcali ya Zanîngeha Çukurovayê Prof. Dr. Ugur Erken, diyar kir ku sal bi sal hêjmara kesên li benda organan radiwestin zêde dibin û tenê li Tirkiyeyê 65-70 hezar mirov li benda neqla organan in.

Li gorî daneyên Serokatiya Daîreya Xizmetên Diyaliz û Neqla Organan a Xizmeta Midûriyeta Giştî ya Wezareta Dadê li Tirkiyeyê di sala 2012'an de kesên li benda neqla gurçikan in 2 hezar û 671 kes in. Ji van kesan neqla 978 kesan hate kirin. Hezar û 693 kesên din jî li benda neqîla gurçikê ya lezîn in. Li Tirkiyeyê heta niha neqla gurçikê ya 4 hezar û 952 kesan hatiye kirin. Piştî neqila gurçikan 91 kesan jiyana xwe ji dest dan. Niha 53 hezar û 744 nexweş tedawiya gurçikê dibînin.

'Bexşîya organan pir kêm e'

Serokê Navenda Pêkanîn û Lêkolîna Neqla Organan a Nexweşxaneya Balcali ya Zanîngeha Çukurovayê Prof. Dr. Ugur Erken, der barê rewşa nexweşên gurçikê û neqla organan de nerînên xwe bi ajansa me DÎHA'yê re parve kirin û diyar kir ku li Tirkiyeyê 65- 70 hezar kes li benda neqla organan in. Erken, anî ziman ku kesên dikevin diyalîzê agahiya wan bi bexşîş û neqîla organan tune û wiha got: "Li Tirkiyeyê neqla organan di sala 1975'an de dest pê kir. Pişti sala 1990´an neqîla organan zêde bû. Li Tirkiyeyê 40 hezar nexweşên gurçikê, 50 hezar mirov li benda neqîla organan e. " Erken, da zanin ku ji bo bexşîya neqla organan kampanyayên cuda dimeşînin û wiha got: "Li Tirkiyeyê neqla gurçik û organên zindî pir kêm û bi sînor e.

'Ji bo neqla organan diçin Îran, Iraq û Efganîstanê'

Erken, da zanîn ku li Tirkiyeyê cihê ku nexweşên gurçikê lê bimînin û doktorên gurçikê kêm in û tenê li Edeneyê nêzî 1000 nexweşên li benga neqîla gurçikê heye. Erken, daxuyand ku hin nexweş bi rêya mafya diçin ji Îran, Iraq, Afganistan û Hindistanê gurçik û goranan tînin.

(mae)