Tum Bel Sen'ê ku bi daxuyaniyekê qetliyama Roboskiyê şermezar kir, da zanîn ku bi girtina Serfermandarê Giştî yê berê Îlker Başbug tê xwestin qetliyam vê perdekirin û da zanîn ku tu rojevên cuda nikarin qetliyamê veşêrin.

Şaxa Tum Bel-Sen'ê ya Amedê, bi armanca komkujiya gundê Roboskiyê yê navçeya Qilabane ku di encamê de 35 gundî hatin qetilkirin, daxuyaniyek nivîskî weşand. Di daxuyanîya de hate diyarkirîn ku hukumeta AKP'ê li hemberi Qatlîma Qilabane têk çûye û ji bo vê têkçûnê ji holê rake girtina girtina Serfermandarê Giştî yê berê Îlker Başbug wekî amûrê guhertina rojevê bikartîne. Di berdewama daxuyaniyê de ev tişt hatin gotin: "Wek tê zanîn pirsgirêka kurd heta niha bê çareserçaresêrî hatiye hiştin. Bi rê û rêbazên xapînokî pirsgirêk heta îro hatiye. Ji bo ku cardin tu êşên wiha neyên jiyîn em wekî saziyên sivîl dixwazin ku ev pirsgirêk bê çareserkirin."

'Pirsgirêk bê çareserî hatiye hiştin'

Di daxuyaniyê de hat gotin ku ev bi salanane Dewleta Tirk bi heman rêbazan nêzî vê pirsgirêkê dibe û wiha hat diyarkirin: "TC'ê bi salane bi heman rêbazê bikar tîne. Tirkiya, di dawiya salê de karneya xwe ya bi 33 guleyan xemilandibû niha jî ev karnê bi komkujiya 35 gundiyan zêrîntir kir! Di encama lêkolîna ÎHD, MAZLUM DER û baroyên heremê de jî aşkera bû ku ev komkujî zanebûn hatiye kirin."

'Girtina Başbug, hewldana guhertina rojevê ye'

Tum Bel-Sen'ê di daxuyaniya xwe de her wiha balkişand ser girtina Serfermandarê Giştî yê berê Îlker Başbug û da zanîn ku hikûmet bi girtina Başbug dixwaze rojevê biguhere. Di daxuyaniyê de der barê mijarê de ev tişt lê hatin zêdekirin: "AKP bi girtina Başbug nikare vê qatliamê veşêre. Zarok jî ji vê hewildana AKP'ê bawer nakin. Hukumeta AKP'ê heta niha îmzeya xwe bi gelek qetliyamên wiha xistiye. Ugur Kaymaz, Aydin Erdem, Ceylan Onkol, Şerzan Kurt, Ayhan Erdem, Mustafa Dag û Mahsum Karaoglan û 17 hezar kesên di encama kuştinên kiryar nediyar de hatine qetilkirin ji bi vê îmzayê hatin qetilkirin." DÎHA (yo/mea)