KOBANÊ (DÎHA) - Yekîneyên Parastina Gel (YPG) gundê Geteş ê rojavayê herêma Kobanê ji çeteyên DAIŞ'ê rizgar kirin. Li herêmê di navbera YPG'ê û çeteyên DAIŞ'ê de pevçûn dijwarî didomin.

Şevê din di saetên dereng de çeteyên DAIŞ'ê bi tank û hemû cureyên çekên giran êrîşî gundên rojavayê herêma Kobanê kirin. Şervanên YPG û YPJ'ê li dijî êrîşa çeteyan rawestan û bersiva çeteyan dan. Hate zanîn ku di encama pevçûnên ku qewimîn de gundê Geteş ê rojavayê herêmê hate rizgarkirin. Hate gotin ku li gund gelek çete hatine kuştin, lê derbarê hejmara kuşiyan de tu agahiyên zelal nehatine bidestxistin.

Çete DAIŞ'ê gundên rojavayê herêmê û bi taybetî gundê Cibnê bi tank, top û çekên giran topbaran dikin. Heta niha gelek ziyanên madî çêbûne.

Pevçûnên li herêmê berdewam dikin.

(bd)