SERÊKANIYÊ 02.10.2013 09:22:00 Li Serêkaniyê, Yekîneyên Parastina Gel YPG'ê li derdora Til Xelefê li hemberî baregehên Dewleta Îslamî ya Iraq û Şamê çalakî lidar xistin. Hat ragihandin ku di encama çalakiyê de komên çete windahiyên giran dane û birîndarên xwe jî ji ser gundê Ezîziyê derbasî Tirkiyê kirine.

Li gorî agahiyên hatin bidestxistin, şevê din li Serêkaniyê li derdora bajaroka Til Xelefê, Yekeniyên Parastina Gel (YPG) li dijî baragehên Dewleta Îslam Iraq û Bîlad El Şam/Eniya El Nusra çalakiyek lidar xistin.

Çalakî saet 22.00 destpê kir û heta 02.00 dewam kir. Hate zanîn encama çalakiya çekên giran hatine bikaranîn de, gelek endamê komên çete yên ser bi El Qaîdeyê hatine kuştin û gelek ji wan birîndar bûne.

Çavkaniyên herêmê ragihandin ku komên Dewleta Îslamî ya Iraq û Şamê kuştî û birîndarê xwe dibin çavdêriya leşkerê Tirk de bi ser gundê Ezîziyê yê 10 kîlometir dikeve rojavayê Serêkaniyê derbasî Tirkiyê kirine.

Heman çavkaniyan ragihandin komên Dewleta Îslamî ya Iraq û Şamê piştî tevgera wan a derdora Serêkaniya serxetê kifş bû, vê carê gundê Ezîziyê ji bo derbas kirina lojistîk û cebilxaneyê bikar tîne.