HESEKÊ – Hêzên YPG, herêma Vîlatê Sor a li başûrê Hesekê ya ku çeteyên DAIŞ’ê ji hêzên rejîme standibûn ji çeteyan rizgar kirin…

Li gorî nûçegihanê ANHA’yê ji herêmê ragihandin, piştî ku îro seat 12.30’an de şervanên YPG’ê gundê Felaha ji çeteyan rizgar kirin, piştî nîvro şer û pevçun li herêma Vîlatên Sor a başûrê Hesekê dijwar bûn. Di encama pevçunên dijwar de şervanan êvarê seat 19.25’an de ev herêm jî bi temamî ji çeteyan paqij kir û Vîlatên Sor rizgarkir.

Di pevçunên dijwar de gelek çete hatin kuştin.

Hat zanin ku li çerxerêya Cindil Meçhul a başûrê navenda bajar de jî di van kêliyan de pevçun di navbera çeteyên DAIŞ’ê û hêzên rejîma Baas’ê de berdewam dike.

Di encama operasyona YPG’ê ya ku beriya hefteyekê li Hesekê destpêkiri bû, heta niha ji çiyayê Evdileziz heta çemê Xabur qadek berfireh ji çeteyan hate paqijkirin.

Her wiha rêyên navbera Hesekê û Şedadê, Hesekê û Reqa û Hesekê û Dêre Zor jî ji aliyê şervanên YPG’ê ve hatine girtin û çeteyên DAIŞ’ê li Xiwêran, Neşwa û Panorama ketine dorpêçê şervanan.

Operasyona YPG’ê ji aliyê navenda ceyranê û girtîgeha zarokan ber bi cihên ku komên çete lê bi cih bûne berdewam e û şervanên YPG’ê gav bi gav pêşdeçûna xwe didomînin.

(ekîp/ra)

ANHA