HANA AZAD / HEWLÊR / ROJNEWS

Çeteyên DAIŞ’ê li navçeya Hewîce ya dikeve başûrê Kerkûkê, 4 pêşmergeyên din ên dîl înfaz kirin. Cebar Yawer got ku ew tenê infaza pêşmergeyên dîl li ser torên medyayê fêr dibin.

Duh li ser tora meydaya nêzî çeteyên DAIŞ’ê dîmenên înfazkirina 4 pêşmergeyên dîl ên destê DAIŞ’ê de li Hewîce hat weşandin. Der barê bûyerê de serokê Wezareta Pêşmergeyên Hikûmeta Herêmê Cebar Yawer got ku ji dervey şer kirinê, ti rêyên din a ew bikarin pêşmergeyên dîl rizgar bikin nînin.

Yawer di axaftina xwe ya ji bo RojNews de wiha got; “Em tenê bi rêya torên medyayê ji şehîdbûna pêşmergeyên dîl agahdar dibin û zanyariyên berfireh der barê wan de werdigirin.” Yawer diyar kir ku ji dervey şerê dijî çeteyan ti rêyek din a ji bo rizgarkirina pêşmergeyên dîl nîne.

Di dîmenên li ser tora medyaya nêzî çeteyên DAIŞ’ê hatin belavkirin de, çeteyên DAIŞ’ê yekem dîmenên ketina navçeya Hewîce de nîşan didin û piştre ji aliyê çar çeteyan ve her çar pêşmergeyên dîl ên destên wan pişde girêdayî ne, bi şêweyek hovane û dervey exlaqê insantiyê serê wan tê birîn.

Her wiha hêjay gotinê ye ku ev infaza her çar pêşmergeyan piştî operasyona Amerîka û hêzên Dij-Teror ên girêdayî pêşmergeyên Herêma Kurdistanê li ser navçeya Hewîce, ye.

(sk)