Pevçûnên di navbera artêşa Îranê û endamên PJAK'ê de didomin. Hate zanîn ku rayedarên Îranê li navçeyên Serdeşt, Pîranşar û Şîno yên Urmiyeyê hemû nexweşxane ji sivîlan re girtiye.

Li gorî agahiyên ku ji çavkaniyên herêmî hatine girtin li sînorê navçeya Qeladizê a Silêmniya Herêma Federal a Kurdistanê û li herêmên Katoman û Casusanê di navbera leşkerên Îranê û endamên HRK'ê de 3 roj in pevçûn bê navber didome.

Li aliyê din jî hate zanîn ku li navçeyên Pîranşar, Şîno û Serdeştê yên Urmiyeyê rayedarên Îranê hemû nexweşxane ji sivîlan re girtine û duh êvarê gelek ambulans çûne nexweşxaneya navçeya Serdeştê.

Li Mehabadê jî çûn hatin hemû hatine qedexekirin û ji bo wesayîtên sivîl destûr nayê dayîn, bi destûra rayedarên leşkerî çûn û hatin çêdibe.

Gund têne bombebarankirin

Hate hînbûn leşkerên Îranê ev 3 roj in gundên Sonî, Mêredo, Alîreş û Bestê yên navçeya Qeledizê ya Silemaniyê bombebaran dikin. Di encama bombebaranê de zêdetirî 20 top li gundê Soniyê ketiye. DÎHA (sa)