Saziya Teknolojiyên Agahî û Ragihandinê (STAR) roja 22.10.2012'an li Amedê civîna xwe ya "Bi Kurdî Navê Mehan" pêk aniye. Encama civînê li jêr hatiye weşandin.

Li cîhanê Teknolojiyên Agahî û Ragihandinê (information and communications technology - ICT) bi lez pêşve diçe. Gelê me van teknolojiyan bi piranî bi zimanên biyanî dişopîne. Gelek sedemên vê yekê hebin jî, sedemek girîng ew e ku tevliheviyek di vî warî de heye û yekgirtinek, li hev guhdarîkirinek tune ye.Ji bo di vî warî de tevlihevî mezintir nebe, di warê wergerandin û afirandina Teknolojiyên Agahî û Ragihandinê (TAR) de, dê navên kurdî wekî li jêr hatiye rêzkirin were bikaranîn. Ev biryarma çawa ku dê bi dilê gelek sazî û kesan be, her wisa dê bê dilê gelek sazî û kesan be jî. Lê di warê TAR'ê de domandina bikaranîna vê lîsteyê êdî biryar e.

STAR di warê Teknolojiyên Agahî û Ragihandinê de bi israr û biryar e navên li jorîn bi kar bîne. Ji bernameyên PC, Notebook, Notepad, Mobîl, PAD û heta menuyen TV, Çaper û hin wekî din dê ev nav bên bikaranîn.



Kurdî                    - Îngilîzî -             Tirkî

Rêbendan (Rbn) = January (Jan) = Ocak

Reşemî = (Rşm) = February (Feb) = Şubat

Adar = (Adr) = Marc (Mar) = Mart

Avrêl = (Avr) = April (Apr) = Nisan

Gulan = (Gln) = May (May) = Mayıs

Pûşper = (Pşp) = June (Jun) = Haziran

Tîrmeh = (Trm) = July (Jul) = Temmuz

Gelawêj = (Glw) = August (Aug) = Ağustos

Rezber = (Rzb) = September (Sept) = Eylül

Kewçêr = (Kwç) = October (Oct) = Ekim

Sermawez = (Srm) November (Nov) = Kasım

Berfanbar = (Brf) = December (Dec) = Aralık



Hincetên Biryarê:

Îro gelek TV, Radyo, Rojname, Kovar û Malperên kurd hene. Lê li aliyê din di teknolojiyê de jî êdî zimanê kurdî heye. Navê mehan ne tenê di TV, Rojname û Kovaran de, her wisa di Teknolojiyên Agahî û Ragihandinê de jî tê bikaranîn. Ubuntu, OpenOffice, Libre Office, Firefox, Facebook û bi dehan bername û pergalên din jî bi kurdî tên bikaranîn û di dema bikaranîna wan de jî navê mehan girîng e. Di van bernameyên navborî de lîsteya navên mehan wekî me li jor weşandiye hatiye bikaranîn. Her wisa hinek Kovar û Saziyên Çandî û Hunerî yên Bakur jî van navan bi vî rengî bi kar tînin. Hinek navên vê lîsteyê, yên wekî Gelawêj li şûna Tebaxê bêhtir tê bikaranîn, ku Tebax tenê li Bakur, di salên 1990'î de belav bûye, wekî 15'ê Tebaxê.

STAR dinirxîne ku gotina "li nav gel kîjan nav bêhtir tên zanîn" di vê dem û sedsalê de qet negirîng e û ne pirsgirêk e jî. Ev bi serê xwe karê perwerde, bikaranîn û bicihkirinê ye.Ji ber vê sedemê,


Navên li jor hatine rêzkirin, di salên 1990'î de li Bakurê Kurdistanê ji aliyê saziyên kurdan ve hatine belîkirin û ji aliyê Tevgera Azadiyê û hemû saziyên wê ve hatine bikaranîn. Heta sala 2006'an ev yek bi vî rengî domiyaye. Dûre di konferansa Rojnamegerên Kurd de biryar li ser bikaranîna lîsteyeke din hatibe dayin jî, heta îro ji aliyê weşanxane, kovar, sazî û weşanên bakur ve nehatiye qebûlkirin û bikaranîn û tenê ji aliyê Azadiya Welat ve tê bikaranîn. Nêzî 100 şaredariyên kurd di çap û weşanên xwe de jî lîsteya jorîn bi kar tînin.


Ji ber van hincet û sedeman û ji ber di warê TAR'ê de heta niha bi vî rengî hatiye rûniştandin, Saziya me bi biryar e ku ji niha û pê ve jî di warê TAR'ê de bi vî rengî bikaranîna navên mehan bidomîne.


Digel rêz û slavan

Epeyam: [email protected]