Ger çavên te hebûna Silîva

bedêla her hêstirên

mîna taviya baranê jê dirijin

can e

Bîra te parzûneka dîrok jê dawerivî

û welatek e

afirînerê çandê

Destên te yên ber bi asîmanan ve bilindbûyî

caran xwezî û caran serîhildan e

Lingên te mora li ser dîrokê

her gavek jê şan e

Bedewiya te kesera min

bi evînê re hemnav

êtûna li nav dilan e

Û... em, zarokên te Silîva

ger belav bûbin li seranserê cîhan

zanibe ku her rojên me qehr û giryan e

Nîjad Arda