Wekî tê zanîn OpenOffice yekemîn ofîsa kurdî bû. Me bi hev re ev ofîs ji dema kurdîkirina Ubuntu de wergerandibû kurdî. Piştî firotina şîrketa Sun (xwediyê OpenOffice) ev ofîs jî ket destê xwediyê nû Oracle.

Oracle û kesên li pey felsefeya Çavkaniya Azad di demek kin de hatin asta ku li hev nekin. Jixwe gavên ku Oracle diavêjin nehihatin qebûlkirin. Li ser vê yekê kesên ku OpenOffice bi pêş ve dibirin, yanî nûserên wê dest bi xebateke nû kirin.

Xebata nû The Document Foundation e. Navê vê ofîsa nû jî LibreOffice ye. Jixwe bi guhertoya nû ya Ubuntu 11.04 re jî êdî OpenOffice tune, li şûna wê LibreOffice heye.

Hêvîdar im destê we û dilê we zûtir têkeve ser LibreOffice...