Ji bo bîranîna dotên gelê k’urd ên p’akr’ewan / Ezîzê Cewo
Ji bo bîranîna dotên gelê k’urd ên p’akr’ewan Sakîne Cansiz, Fîdan Dogan û Leyla Soylemezê...
...Em soz didim we: emê hîç negirîm,
emê ser we da t’u nelûvînin
û şîna şewat li ser we nekin...
Her yekê me wê yekkevir hilde,
bike navbera xwe û dilê xwe -
şûna r’ondikan!
Û her yekê me wê j‘ber dilê xwe
li şûna wana gulekê derxe…
dayne ser kêlîya bîranîna we…
Û emê r’abin –
qelfe bi qelfe
û r’ef bi r’ef emê dû we bimeşin...
Hûn baş bizanbin!…
Û bila dijminê me jî bizanbe!
Ew berik,
ên ku wan jendine we,
bi wan berikan mirna xwe anîn...
Wan bi xwe gotin,
ku d‘cîhanê da cîyê wan nemaye …
Ev bû dawîya wan
û destpêkek nû...
Ew hersê berik wê bibin hezar
û l‘awn veger’in!
………………….
…Û emê negrîn
û emê şîna şewat hîç nekin!
Emê t’ilîyên xwe bicivînin hev,
wan bikine k’ulm,
berbi asmîn kin…
Emê bibine yek
Û bi yek dengî soza xwe bidin:
– Tola we emê bi xwe hilînin!
–
Bi dilzoîya xwe,
bi yekîtîya xwe
û bi bir’yara,
ku wê doza we bibbine sêrî…
Û her eva ye mercê hebûnê,
ger em dixwazin wek net’ew hebin!
Ezîz ê Cewo
12. 01. 2013