ELEND KERKÛKÎ / KERKÛK / ROJNEWS
Şeva borî çeteyên DAIŞ’ê êrişî hêzên kurdî yên li gundên başûrê Kerkûkê kir.
Piştî şer û pevçûnên dijwar, êrişa çeteyan hat şikandin. Di encamê de zêdetirî 60 çete hatin kuştin.
Pêşmergeyek ji hêzên pêşmergeyan ê lîwaya 1 a bejayî li nêzî gundê Mure ku nexwest navê wî were belav kirin, ji RojNewsê re wiha got: “Şeva borî dema ji nişkan ve çeteyên DAIŞ’ê êrişî gundê Mure kirin, pêşmergeyan gund berdan.
Ji bo pêşmerge ti zerer û ziyanekê nebînin. Lê îro danê sibehê bi piştgiriya balafirên hevpeymanan, dûbare çeteyên DAIŞ’ê hatin şikandin û gundê Mure ji çeteyên DAIŞ’ê hat rizgar kirin.”
Li aliyê din asayîşa Kerkûkê bilançoya şer û pevçûnên li gundê Mure yê dikeve başûrê Kerkûkê eşkere kir. Li gor wê bîlançoyê zêdetirî 60 çeteyên DAIŞ’ê hatin kuştin.
Li gor daxuyaniya asayîşê 2 pêşmerge şehîd bûne û 9 pêşmerge jî birîndar bûne.
(şf/rn)