TIL TEMIR/ROJNEWS
YPG û Hêzên Berxwedana Hevbeş, piştî pevçûnên dijwar ên li Gundê Til Mixas ê di navbera Til Temir-Hesekê de ji çeteyan paqijkirin.
Li gor ANHA’yê di encama pevçûnên ji êvarê de dijwar bibûn de, şervanên YPG’ê û Hêzên Berxwedana Hevbeş, saet derdora 22:10’an de darbeyên giran li çeteyên DAIŞ’ê dan û gundê Til Mixas ê li başur-rojavayê Til Temirê bi temami ji çeteyan paqij kirin.
Şer û pevçûnên dijwar hê jî berdewam dikin. Şer bi taybet li gundên Til Nesrî û Xêbiş ên di navbera Til Temir û Hesekê de pir dijwar bûye û çeteyên DAIŞ’ê bi çekên mîsketê yên qedexekirî herêmê topbaran dike.
(mo)