Ez nemînim / Sê birînên sêçavînin / Gurcika dilê min
Feratê DENGIZİ
Ez nemînim
Sê birînên sêçavînin
Gurcika dilê min…
Sêçaviya serê min nakewe
Ne azadiya Parîsê
Ne jî wekheviya komûnê
Dilê min têr dike
Serê kaniya min Zagros
Dermanê birîna min Sara ye
Saraya serbilind a lûtkeya Tûjik Baba
Ya dilciwan
De debarkin
Piştî ewqasî êş
Bila biqeşite biratiya derewîn
Hê bêhtir evîndarê
Dil û awirên te me
Bila
Qeleş û kîndar
Hê jî
Zanibin
Kedxwar û mijokdar jî
Ligel sêbirînên sêçavîn
Evîndarê evîna te me
Şabaş ji te re
Keyneka Munzir
Ya esîl û asî û asê…
09/28.01.2013-Amed