Bakirhan: Wext ameyo ke dewsa qiseyan de gamê kiryarkîyî bierziyê
Tuncer Bakirhanî dîyar kerd ke seba serkewtişê prosesê aştîye ganî gamê pratîkî û qanûnîyî tavilê bierziyê.
Derya Welat
Hemserekê Pêroyî yê Partîya Têdûşîye û Demokrasîye ya Şaran (DEM Partî) Tuncer Bakirhan kombîyayîşê koma xo de serê nîqaşanê prosesê aştîye û meseleya Kurdan de qisey kerd û bale ante ser hewcedarîya gamanê qanûnîyan.
Goreyê Kurdistan24î, Tuncer Bakirhanî vat ke wextê qiseyanê vengaran qedîyayo: "Ma vanê ganî dewsa qiseyan de gamê kiryarkîyî bierziyê. Ganî Komîsyonê Çekronayîş û Stratejîye zaf lez dest pê karê xo bikero."
Bakirhanî dîyar kerd ke ganî Abdullah Ocalan bi hawayêko azad karê xo bikero û Meclîs zî Komîsyonê Şopnayîşî saz bikero û qanûnanê laziman bivizîyo.
Hemserekê DEM Partîye da zanayene ke aştîya mayende tena bi garantîyanê destûrîyan û hevsengîya heqan mumkun a.
Wêne: Kurdistan24