Dronanê deryayî yê Ukrayna nêzdîyê Soçî de da yew keştîya petrolî rone

Deryayo Sîya de nêzdîyê bajarê Soçî yê Rûsya de, dronanê deryayî yê Ukrayna şanê roja Sêşemeyî, 6ê Teşrîna Pêroyîne ya 2026î de da yew keştîya bazirganîye ya petrolî rone ke binê ala Lîberya de şîyêne. Goreyê agahîyan, keştîya bi nameyê Aframax Rio nêzdîyê 15 kîlomêtro doreyê peravanê Soçî de rastê hêrişî ameye û pêtewtîya adirî vejîyaye.

Goreyê ajansa xeberan a fermî ya Rûsya TASSî, Wezaretê Resnayîşî yê Rûsya da zanayene ke serê keştîye de 23 xebatkerî estbîyê ke pêro hemwelatîyê Hîndîstanî yê. Tîmanê xelisnayîşî pêro xebatkerî bi silametî ardistê serê vilatî û merdimêk zî nêmirito. Serê sibayê roja Çarşemeyî, 7ê Teşrîna Pêroyîne adir ame hewnakerdene.

Goreyê rojnameyê Ukrayna The Kyiv Independentî, keştîya Aframax Rio aşma Sibate ya 2026î de ketbî lîsteya cezayan a Ukrayna; çimkî na keştî parçeyêkê fîloya sîyaye ya Rûsya bîye û benderanê Deryayê Sîyayî ra petrol berdêne. Çimeyê asayîşî yê Kîyêvî dîyar kenê ke pîrodayîşê binesazîya nefte ya Rûsya cewabêko heqdar o vera hêrişanê energîya Ukrayna.

Goreyê qenala brîtanî BBC Newsî, na operasyon nîşan dana ke dronê deryayî yê Ukrayna şenê heta cayanê tewr dûran ê verojê Rûsya birasê.

Goreyê rojnameyê Amerîka The New York Timesî, mexsedo sereke yo ke no adir ame pênavistene no yo ke dahatê petrolî yê Kremlînî bêtewş bikero.

Wêne: Amîda Kurd / Sembolîk