PJAK: Averberdişê yewîya demokratîke rawa teksere ya
PJAKî da zanayene ke seba vinderdişê şerê herêmî rawa tekser averberdişê têkoşîn û yewîya demokratîke ya Kurdan a.
Derya Welat
Partîya Jîyanê Azadîye ya Kurdîstanî (PJAK), seba serrgêra 28ine ya hedîseyanê 9ê Teşrîna Pêroyîne û rûdayîşanê peyênan ê herême yew eşkerayîye da û da zanayene ke enîya averberdişê têkoşînê Kurdan û yewîya demokratîke ya çar parçeyanê Kurdîstanî temînata aştî û azadîye ya.
Goreyê Hawar Newsî, PJAKî eşkerayîya xo de bale ante ser ke Rojhelatê Mîyanênî de şerêko sîstematîk ameyo ferzkerdene û vat: "Ewro reyna seba tewirê antî-demokratîk ê hêzanê serdestan, dewsa aştîye de şerêko xirabkar ramîyeno. Rawa xelaskerdişê na tarîtîye, prosesê aştîye û azadîya şarê Kurdî ya."
PJAKî da zanayene ke desthilatdarîya Tehranî verê di rayan de vindertîya: yan dewamkerdişê qeyranan yan zî akerdişê verê aştîya komelkî û heqanê şarê Kurdî. Eşkerayîye de ame vatene ke bê çareserkerdişê meseleya Kurdan, asayîşê mayende Rojhelatê Mîyanênî de nêbeno.
Dîmenê eşkerayîye de veng da hêzanê demokratîkan ke vera dardekerdişan û zextan têkoşînê xo pêt bikere.
Wêne: Amîda Kurd / Sembolîk