Wezaretê Pêşmergeyan: Sistemêko pawitişê hewa nêresayo destê ma

Wezaretê Pêşmergeyan ê Hikûmetê Herêmê Kurdîstanî bi eşkerayîyêka fermî xeberê serê toranê sosyalî ke vanê pergalê pawitişê hewa resayo destê înan bi xurtî red kerdî û da zanayene ke heta nika çîyêko wina nêresayo destê înan.

Goreyê Kurdistan24î, Wezaretê Pêşmergeyan dîyar kerd ke tu rayedarekî înan serê na babete daxuyanîye nedana û xeberê vilabîyayî dûrê rastîye yê.

Aşmanê verênan de derheqê pawitişê hewayê Herêmê Kurdîstanî de qisey amebî kerdene, la hetê pratîkî de tu game nêerzîyaya.

Wezaretê Pêşmergeyan da zanayene ke înan koalîsyonî reyde karê xo yê pawitişî dewam kenê.

Wêne: Kurdistan24