Herêmên Başûrê Kurdistanê yên ji dest çûn!
Pêvajoya ku artêşa Iraqê û Heşdî Şabî piştî referandûma 25'ê Îlonê roja 16'ê Cotmehê li Kerkûkê dan destpêkirin, dewam dike. Di vê pêvajoyê de Kurdan gelek herêm ji dest dan
Amîda Kurd
NAVENDA NÛÇEYAN/ROJNEWS
Gelek bajar, navçe, gund û herêmên petrolê yên beriya referandûma 25'ê Îlonê di destê rêveberiya herêmî ya Başûrê Kurdistanê de bûn, radestî hikumeta navendî ya Iraqê û Heşdî Şabî hatin kirin.
Artêşa Iraqê, sala 2014'an li hemberî êrîşên DAIŞ'ê li ber xwe nedabû û xwe ji gelek herêman vekişandibû. Artêşa Iraqê van herêman ji nû ve kontrol dike. Hin herêm ji ber êrîşên artêşa Iraqê û Heşdî Şabî hatin dagirkirin, gelek herêm jî di çarçoveya peymana bi rêveberiya Hewlêrê re hate mohrkirin, tên radestkirin.
Herêmên ku ji 16'ê Cotmehê û vir ve ji kontrola rêveberiya herêmî ya Başûrê Kurdistanê kete destê hikumeta navendî ya Iraqê û Heşdî Şabî ev in:
Bajar û Navçe
Xûrmatû,
Xaneqîn,
Kerkûk,
Daqûq,
Taze
Beşîr
Mexmûr
Rebîa
Şengal (Herêmên di destê PDK'ê de bûn)
Pirdê û gelek gundên wê
Herêmên Petrolê
Dibis
Bay Hesen
Zûmar
Û 40 herêmên biçûk û mezin ên ji bîr û parzûngehên petrolê pêk tên...
Deriyên sînor
Perwîzxan ê navbera Kelar û Qasr-î Şîrîn
Xusrewî yê navbera Kelar û Xaneqînê
Başmax ê navbera Merîwan û Pencewînî
Deriyê sînor ê navbera Pîranşar û Hecî Umran
Deriyê sînor ê Sêmalka û deriyê sînor ê Xabûrê ku îro hate teslîmkirin
Tê gotin, ji bo radestkirina balafirgehên li Hewlêr û Silêmanî hevdîtin dewam dikin.
Gelê Başûrê Kurdistanê nerazîbûn nîşan da ku rêveberiya Hewlêrê axa Başûr radestî Bexda û Heşdî Şabî kiriye. Ev rewş ji bo Kurdan weke şikestineke mein a siyasî tê dîtin.