MEXMÛR / ROJNEWS
PDK’ê ji bo 2 rojan çûna niştecihên wargeha penaberan a Şehîd Rûstem Cûdî (Mexmûr) a Hewlêrê qedexe kir.
Hêzên asayîşa PDK’ê ji bo 2 rojan her cure çûn û hatina niştecihên wargeha Şehîd Rûstem Cûdî ji bo bajarê Hewlêr û bajarên din qedexe kir.
Ji ber vê qedexeyê gelek xwendekar, mamosta, doktor û karkeran nekarîn ji waregehê derkevin û biçin ser karê xwe.
Tê gotin PDK’ê ji ber çalakiyên Mexmûriyan ên ji bo şermezarkirina 15’ê Sibatê ev qedexe daniye ser wargehê.
(ge)